ប័ណ្ណឥណពន្ធវីសាអេស៊ីលីដា

ដើម្បីផ្តល់ភាពងាយស្រួល និងបង្កើនជំនឿទុកចិត្តជូនអតិថិជនក្នុងការធ្វើប្រតិបត្តិការដកប្រាក់និងទូទាត់ចំណាយផ្សេងៗ ធនាគារអេស៊ីលីដា មានសេចក្តីសោមនស្សរីករាយសូមណែនាំនូវសេវាធនាគារអេឡិចត្រូនិកថ្មី ហៅថា "ប័ណ្ណឥណពន្ធវីសាអេស៊ីលីដា" ។

ប័ណ្ណឥណពន្ធវីសាអេស៊ីលីដា គឺជាប័ណ្ណប្លាស្ទិកអេឡិចត្រូនិក មានប្រព័ន្ធបទដ្ឋាន EMV (Europay, Master និង VISA) / Memory Chip ដែលបង្កើតឡើងប្រកបដោយសុវត្ថិភាពខ្ពស់មិនអាចក្លែងបន្លំបាន ដោយមានការទទួលស្គាល់ជាផ្លូវការពីស្ថាប័ន VISA និងប្រើប្រាស់ប្រព័ន្ធនិងស្លាកសញ្ញា VISA ដែលធនាគារចេញប័ណ្ណជូនអតិថិជនសម្រាប់ធ្វើប្រតិបត្តិការដកសាច់ប្រាក់នៅតាមម៉ាស៊ីនអេធីអឹម និងទូទាត់ចំណាយផ្សេងៗ ឬដកសាច់ប្រាក់តាមម៉ាស៊ីនឆូតកាត ដែលមានបិទស្លាកសញ្ញា VISA ឬ VISA Plus នៅទូទាំងប្រទេស និងពាសពេញពិភពលោក ។

ប័ណ្ណឥណពន្ធវីសាអេស៊ីលីដា មានពីរប្រភេទ គឺ ៖

ប័ណ្ណឥណពន្ធវីសាអេស៊ីលីដាក្នុងស្រុក គឺជាប័ណ្ណដែលអាចធ្វើប្រតិបត្តិការដកប្រាក់ និងទូទាត់ចំណាយផ្សេងៗ តាមរយៈម៉ាស៊ីនដកប្រាក់ និងម៉ាស៊ីនឆូតកាត របស់ធនាគារអេស៊ីលីដា និងរបស់ធនាគារផ្សេងៗ នៅទូទាំងប្រទេស ដែលមានស្លាកសញ្ញា VISA ឬ VISA Plus ។
ឥឡូវនេះ យើងខ្ញុំឈប់ទទួលពាក្យស្នើសុំប្រើប្រាស់ប័ណ្ណឥណពន្ធវីសាអេស៊ីលីដាក្នុងស្រុក ។ ប្រសិនបើប័ណ្ណរបស់លោកអ្នក បាត់ ឬខូច ឬផុតកាលបរិច្ឆេទប្រើប្រាស់ លោកអ្នកអាចស្នើសុំប័ណ្ណអេស៊ីលីដាប្រភេទផ្សេង ដើម្បីប្រើប្រាស់ជំនួសប័ណ្ណវីសាអេស៊ីលីដាក្នុងស្រុកនេះ ។
ប័ណ្ណឥណពន្ធវីសាអេស៊ីលីដាក្រៅប្រទេស គឺជាប័ណ្ណដែលអាចធ្វើប្រតិបត្តិការដកប្រាក់ និងទូទាត់ចំណាយផ្សេងៗ តាមរយៈម៉ាស៊ីនដកប្រាក់ និងម៉ាស៊ីនឆូតកាត របស់ធនាគារអេស៊ីលីដា និងរបស់ធនាគារផ្សេងៗ នៅក្នុងនិងក្រៅប្រទេស ដែលមានស្លាកសញ្ញា VISA ឬ VISA Plus ។

អត្ថប្រយោជន៍

អាចដកសាច់ប្រាក់បានឆាប់រហ័ស ពីគ្រប់ម៉ាស៊ីនអេធីអឹមទាំងអស់ ដែលមានស្លាកសញ្ញា VISA ឬ VISA Plus នៅក្នុងនិងក្រៅប្រទេស ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ។
អាចធ្វើការទូទាត់ចំណាយផ្សេងៗ នៅតាមហាងទំនិញ សណ្ឋាគារ ឬក្រុមហ៊ុននានា ដែលមានម៉ាស៊ីនឆូតកាត ឬឧបករណ៍អេឡិចត្រូនិកផ្សេងៗទៀត ដែលមានស្លាកសញ្ញា VISA ឬ VISA Plus នៅក្នុង និងក្រៅប្រទេស ។
អាចបញ្ជាទិញទំនិញ ទិញឬកក់សំបុត្រយន្តហោះ ឬកក់បន្ទប់សណ្ឋាគារ តាម Internet ។ល។
ចំណេញពេលវេលា និង មានសុវត្ថិភាពខ្ពស់ក្នុងការគ្រប់គ្រងសាច់ប្រាក់និងទូទាត់ចំណាយផ្សេងៗ ។

លក្ខណៈសម្គាល់ទូទៅ នៃប័ណ្ណឥណពន្ធវីសាអេស៊ីលីដា

មានស្លាកសញ្ញា ធនាគារ អេស៊ីលីដា ភីអិលស៊ី និង វីសា
បំពាក់ប្រព័ន្ធ EMV នៅផ្នែកខាងមុខ អាចការពារការក្លែងបន្លំបានមួយរយភាគរយ និង Magnatic Stripe ផ្នែកខាងក្រោយ
មានបង្ហាញថ្ងៃសុពលភាពប្រើប្រាស់ (Good Thru) ។ អស់សុពលភាពប្រើប្រាស់ ឬផុតកំណត់ប្រើប្រាស់ ប័ណ្ណនោះមិនអាចប្រើប្រាស់បានឡើយ
មានពាក្យ "Debit" នៅខាងមុខ ផ្នែកខាងលើ ។ មានន័យថា គឺជាប័ណ្ណឥណពន្ធ ។ គ្រប់ប្រតិបត្តិការតាមរយៈប័ណ្ណនេះ ត្រូវកាត់ប្រាក់ចេញពីគណនីរបស់ម្ចាស់ប័ណ្ណដែលមាននៅធនាគារ ។

ថ្លៃសេវា

ថ្លៃសេវាប័ណ្ណឥណពន្ធវីសារបស់ធនាគារអេស៊ីលីដា ដកសាច់ប្រាក់នៅម៉ាស៊ីនអេធីអឹម ឬម៉ាស៊ីនឆូតកាត របស់ធនាគារផ្សេង ៖
- នៅក្នុងស្រុក គឺ ៤ដុល្លារ ក្នុងមួយប្រតិបត្តិការ
- នៅក្រៅប្រទេស គឺ ៤ដុល្លារ បូក ១% លើទំហំប្រតិបត្តិការ
ការឈប់ប្រើប្រាស់ប័ណ្ណឥណពន្ធវីសាអេស៊ីលីដា ឬ ការផ្លាស់ប្តូររវាងប័ណ្ណវីសាក្នុងស្រុក និងប័ណ្ណវីសាក្រៅប្រទេស ក្រោយរយៈពេល៦ខែ មិនគិតថ្លៃសេវាទេ ។

សម្រាប់ប័ណ្ណមួយ	ប័ណ្ណឥណពន្ធវីសាអេស៊ីលីដា
សម្រាប់ប័ណ្ណមួយ	ក្នុងស្រុក	ក្រៅប្រទេស	ពិសេស
ថ្លៃសេវាប្រចាំខែ	០,២០ដុល្លារ ឬសមមូលទៅនឹងប្រាក់ផ្សេង	-	-
ថ្លៃសេវាប្រចាំឆ្នាំ	-	១០,៨០ដុល្លារ	១០០ដុល្លារ
ចេញប័ណ្ណថ្មីជំនួសប័ណ្ណចាស់ដែលខូច	១២.០០០រៀល ៣ដុល្លារអាមេរិក ១២០បាត ៣អឺរ៉ូ ៣ដុល្លារអូស្ត្រាលី ៣ដុល្លារកាណាដា ៣ផោន ៣០០យ៉េនជប៉ុន ៦០.០០០ដុងវៀតណាម ឬ ២៤.០០០ឡាវគីប	២៨.០០០រៀល ៧ដុល្លារអាមេរិក ២៨០បាត ៧អឺរ៉ូ ៧ដុល្លារអូស្ត្រាលី ៧ដុល្លារកាណាដា ៧ផោន ៧០០យ៉េនជប៉ុន ១៤០.០០០ដុងវៀតណាម ឬ ៥៦.០០០ឡាវគីប	៦០.០០០រៀល ១៥ដុល្លារអាមេរិក ៦០០បាត ១៥អឺរ៉ូ ១៥ដុល្លារអូស្ត្រាលី ១៥ដុល្លារកាណាដា ១៥ផោន ១.៥០០យ៉េនជប៉ុន ៣០០.០០០ដុងវៀតណាម ឬ ១២០.០០០ឡាវគីប
ចេញប័ណ្ណថ្មីជំនួសប័ណ្ណចាស់ដែលបាត់	១២.០០០រៀល ៣ដុល្លារអាមេរិក ១២០បាត ៣អឺរ៉ូ ៣ដុល្លារអូស្ត្រាលី ៣ដុល្លារកាណាដា ៣ផោន ៣០០យ៉េនជប៉ុន ៦០.០០០ដុងវៀតណាម ឬ ២៤.០០០ឡាវគីប	៦០.០០០រៀល ១៥ដុល្លារអាមេរិក ៦០០បាត ១៥អឺរ៉ូ ១៥ដុល្លារអូស្ត្រាលី ១៥ដុល្លារកាណាដា ១៥ផោន ១.៥០០យ៉េនជប៉ុន ៣០០.០០០ដុងវៀតណាម ឬ ១២០.០០០ឡាវគីប	៦០.០០០រៀល ១៥ដុល្លារអាមេរិក ៦០០បាត ១៥អឺរ៉ូ ១៥ដុល្លារអូស្ត្រាលី ១៥ដុល្លារកាណាដា ១៥ផោន ១.៥០០យ៉េនជប៉ុន ៣០០.០០០ដុងវៀតណាម ឬ ១២០.០០០ឡាវគីប
មោឃភាព ឬផ្លាស់ប្តូរប័ណ្ណ ក្នុងរយៈពេល០៦ខែ	២០.០០០រៀល ៥ដុល្លារអាមេរិក ២០០បាត ៥អឺរ៉ូ ៥ដុល្លារអូស្ត្រាលី ៥ដុល្លារកាណាដា ៥ផោន ៥០០យ៉េនជប៉ុន ១០០.០០០ដុងវៀតណាម ឬ ៤០.០០០ឡាវគីប	២០.០០០រៀល ៥ដុល្លារអាមេរិក ២០០បាត ៥អឺរ៉ូ ៥ដុល្លារអូស្ត្រាលី ៥ដុល្លារកាណាដា ៥ផោន ៥០០យ៉េនជប៉ុន ១០០.០០០ដុងវៀតណាម ឬ ៤០.០០០ឡាវគីប	២០.០០០រៀល ៥ដុល្លារអាមេរិក ២០០បាត ៥អឺរ៉ូ ៥ដុល្លារអូស្ត្រាលី ៥ដុល្លារកាណាដា ៥ផោន ៥០០យ៉េនជប៉ុន ១០០.០០០ដុងវៀតណាម ឬ ៤០.០០០ឡាវគីប

ទំហំប្រតិបត្តិការ

លោកអ្នកអាចប្រើប្រាស់ប័ណ្ណឥណពន្ធវីសាអេស៊ីលីដា ដើម្បីធ្វើប្រតិបត្តិការដកប្រាក់ និងទូទាត់ការចំណាយផ្សេងៗ ក្នុងមួយថ្ងៃ សម្រាប់ប័ណ្ណមួយ ដូចខាងក្រោម ៖

សម្រាប់ប័ណ្ណមួយ	ប័ណ្ណឥណពន្ធវីសាអេស៊ីលីដា
សម្រាប់ប័ណ្ណមួយ	ក្នុងស្រុក	ក្រៅប្រទេស	ពិសេស
ចំនួនប្រតិបត្តិការច្រើនបំផុត ទាំងម៉ាស៊ីនអេធីអឹម និងម៉ាស៊ីនឆូតកាត	១០ប្រតិបត្តិការ	១០ប្រតិបត្តិការ	១០ប្រតិបត្តិការ
ចំនួនទឹកប្រាក់អាចដកបានច្រើនបំផុត តាមរយៈម៉ាស៊ីនអេធីអឹម អេស៊ីលីដា	រហូតដល់ ១.០០០ដុល្លារ ឬ ២.០០០.០០០រៀល ក្នុងមួយថ្ងៃ រហូតដល់ ១.០០០ដុល្លារ ឬ ៤០០.០០០រៀល ក្នុងមួយប្រតិបត្តិការ	រហូតដល់ ១.០០០ដុល្លារ ឬ ២.០០០.០០០រៀល ក្នុងមួយថ្ងៃ រហូតដល់ ១.០០០ដុល្លារ ឬ ៤០០.០០០រៀល ក្នុងមួយប្រតិបត្តិការ	រហូតដល់ ១០.០០០ដុល្លារ ឬ ២.០០០.០០០រៀល ក្នុងមួយថ្ងៃ រហូតដល់ ៣.៥០០ដុល្លារ ឬ ៤០០.០០០រៀល ក្នុងមួយប្រតិបត្តិការ
ចំនួនទឹកប្រាក់អាចដកបានច្រើនបំផុត តាមរយៈម៉ាស៊ីនឆូតកាត អេស៊ីលីដា	រហូតដល់ ២០០ដុល្លារ នៅកន្លែងអ្នកលក់ រហូតដល់ ១.០០០ដុល្លារ នៅការិយាល័យធនាគារអេស៊ីលីដា	រហូតដល់ ២០០ដុល្លារ នៅកន្លែងអ្នកលក់ រហូតដល់ ១.០០០ដុល្លារ នៅការិយាល័យធនាគារអេស៊ីលីដា	រហូតដល់ ២០០ដុល្លារ នៅកន្លែងអ្នកលក់ រហូតដល់ ១០.០០០ដុល្លារ នៅការិយាល័យធនាគារអេស៊ីលីដា
ចំនួនទឹកប្រាក់ច្រើនបំផុត សម្រាប់ការទូទាត់ទំនិញផ្សេងៗតាមរយៈម៉ាស៊ីនឆូតកាត	២.០០០ដុល្លារ	៤.០០០ដុល្លារ	២០.០០០ដុល្លារ
ចំនួនទឹកប្រាក់ច្រើនបំផុត សម្រាប់ការទូទាត់ចំណាយផ្សេងៗតាមរយៈអ៊ីនធឺណិត	-	២.០០០ដុល្លារ	១០.០០០ដុល្លារ

ហាងលក់សម្ភារៈកីឡាទាន់សម័យ

Sunday, February 9, 2014